Leo Messi është i bindur se gjërat nuk do të jenë njësoj pas pandemisë së coronavirusit. “Ndihem shumë keq për ata që kanë humbur jetën. Thuajse të gjithëve prej nesh na lind dyshimi, sesi do të jetë bota pas gjithë kësaj që ka ndodhur”, ka thënë së fundmi sulmuesi i Barcelonës.
“Kjo situatë ka krijuar shumë probleme. Shumë persona kanë humbur pjesëtarë të familjes ose miq. Nuk kanë pasur as mundësinë që t’u thonë lamtumirë”.
“Futbolli, por edhe vetë jeta, nuk do të jenë më si më parë pas coronavirusit. Pas gjithë kësaj që ka ndodhur do të kthehemi në normalitet, por do të jetë një normalitet i ri”.
