Bayern Munich po luan në këto momente kundër Dusseldorf-it në ndeshjen e vlefshme për javën e 29-të të Bundesligës.
Bavarezët duket se e kanë zgjidhur ndeshjen brenda pjesës parë teksa kryesojnë 3-0. Sfida u zhbllokua në minutën e 15-të, ku pas një aksioni të bukur të skuadrës, Pavard goditi drejt portës por devijimi i Jorgensen bëri që regjia ta akordonte si autogol.
Megjithatë nuk vonoi dhe Pavard e shënoi golin e tij, kësaj radhe në minutën e 30-të duke goditur saktë me kokë. Goli i tretë mban firmën e Robert Lewandowski-t.
