Presidenti i Federatës spanjolle të Futbollit, Havier Tebas, njoftoi se La Liga do të nisë më 11 qershor, për t’u mbyllur më 19 korrik.
Edhe pse mungon zyrtarizimi, Ministria e Shëndetësisë në Spanjë dha “dritën jeshile”, që La Liga të rinisë, për ta mbyllur këtë sezon.
Dhënia e verdikteve në fushë do të shoqërohet me një “tur force”, pasi ndeshjet do të luhen 39 ditë pa ndërprerje. Ky nxitim është për faktin që i duhet lënë terren fillimit të sezonit 2020-2021 i cili parashikohet të startojë më 12 shtator.
Sfida e parë prej pandemisë do të jetë derbi ndërmjet Betis dhe Sevilla. Kur kanë mbetur edhe 11 javë nga fundi i edicionit, Barcelona kryeson La Liga-n me 58 pikë, 2 më tepër se Real Madrid, por duket se tashmë rregullat e lojës kanë ndryshuar dhe përparësi do të ketë skuadra më e përgatitur fizikisht.
