Presidenti i Republikës, Ilir Meta ka deklaruar se do të miratojë ndryshimet e kodit zgjedhor dhe se mezi priste përmbylljen e tyre në Këshillin Politik.
Në një dalje për mediat, kreu i shteti bëri me dije se është i kënaqur me atë se çfarë është arritur deri tani te reforma zgjedhore.
“Sa i përket Kodit Zgjedhor jam i kënaqur, po ndjek zhvillimet. Ka përparime dhe mezi pres që palët të mbajnë fjalën dhe të përmbyllin me konsensus ndryshimet që kërkohen nga BE në radhë të parë por edhe partnerët e tjerë.
Menjëherë do t’i firmos këto ndryshime që të japim një lajm të mirë nga Shqipëria dhe Tirana për qytetarët dhe për partnerët pavarësisht se s’do të jetë i pamjaftueshëm”,- tha Meta.
