Policia e Tiranës ka vënë në pranga 10 persona, dy prej të cilëve ishin shpallur në kërkim.
Burime zyrtare bëjnë me dije se nga specialistët për Hetimin e Narkotikëve janë arrestuar shtetasit:
– E. B., 34 vjeç, banues në Tiranë, pasi në rrugën ”Petro Marko”, pasi gjatë kontrolli fizik, i është gjetur një sasi lëndë narkotike e llojit heroinë;
– D. A., 31 vjeç dhe E. V., 37 vjeç, sepse në rrugën “Petro Marko”, në bashkëpunim me njëri-tjetrin merreshin me shitje të lëndëve narkotike (heroinë). Nga kontrolli fizik dhe në banesën e këtyre shtetasve janë gjetur dhe 4 doza lëndë narkotike të llojit heroinë dhe 1 kokërr e gjysmë metadon.
Nga specialistët për Hetimin e krimit është arrestuar shtetasi shtetasit E. M., 44 vjeç, pasi në rrugën “Aleksander Moisiu”, ka thyer urdhrin e mbrojtjes dhe ka ushtruar dhunë psikologjike dhe fizike ndaj mbesës.
Policia e Tiranës ka kapur dhe dy shtetas të shpallur në kërkim. Bëhet fjalë për shtetasit J. C., 21 vjeç dhe E. D., 22 vjeç, të shpallur në kërkim për veprën penale “Vjedhja”.
Specialistët e Qarkullimit Rrugor kanë arrestuar shtetasit:
– A. M., 20 vjeç dhe Sh. J., 43 vjeç, pasi janë kapur duke drejtuar mjetet pa leje drejtimi.
– K. Gj., 53 vjeç, pasi në rrugën “Berisha” është kapur duke drejtuar mjetin në gjendje të dehur, në masën 0.79 mg/l.
– E. C., 53 vjeç, pasi tek “Bulevardi i Ri”, është kapur duke drejtuar mjetin në gjendje të dehur, në masën 1.15 mg/l.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
