Shtyhet gjyqi në Apel për Tahirin dhe Jaeld Çelën, kërkohet përjashtimi i trupës gjykuese

Është shtyrë gjyqi në Gjykatën e Apelit i parshikuar për sot për ish-ministrin e Brendshëm Saimir Tahirin dhe ish-drejtorin e policisë së Vlorës, Jaeld Çela. Në seancën e sotme  nuk ka qenë  i pranishëm ish ministri Tahiri, por vetëm avokati i tij Maks Haxhia.

Shkak për shtyrjen mësohet se ka qenë mosnjoftimi zyrtar i Saimir Tahirit për të marrë pjesë në seancë. Seanca gjyqësore e radhës është vendosur për t’u zhvilluar në  datën 11 qershor.

Ndër të tjera mësohet dhe se në seancën e sotme,  avokati i Tahirit, Maks Haxhia ka paraqitur kërkesën për përjashtim të trupës gjykuese, kërkesë e dërguar më parë ish drejtori i Policisë  së Vlorës, me të njëjtat argumenta që ka paraqitur dhe Jaeld Çela ku sipas argumentit trupa gjykuese ka shqyrtuar kërkesa të tjera të grupit Habilaj që vijojnë procesin.

Çështja e Saimir Tahirit dhe Jaeld Çelës gjykohet nga gjyqtaret Albana Boksi, Nertina Kosova dhe Nure Dreni.

LEXO EDHE  2 turqit dhunojnë policët në Rinas, nuk i lejuan të futeshin në Shqipëri

Tahiri u dënua me 5 vite burg, vitin e kaluar, të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre.

Prokuroria e Krimeve të Rënda nga ana tjetër kërkonte 12 vite burg për Tahirin për 3 vepra penale  “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.

Si përfundim të dyja palët, si Tahiri dhe Prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit që që nga java tjetër do të fillojëme gjykimin e dosjes.

Prokuroria e akuzonte Tahirin se në kohën kur ishte ministër i brendshëm bashkë me ish- drejtorin e Policisë Vlorë, Jaeld Çela kanë bashkëpunuar me Moisi Habilajn apo vëllezërit e tij që bashkë korrespondojnë të jenë kushërinj.