Publikohet lista e klubeve më të vlefshme në Europë, Juventusi mbetet jashtë “top 10”

KPMG ka bërë një analizë rreth skuadrave më të vlefshme për vitin 2020 në Europë.

Kompania me bazë në Holandë, ka zbuluar që renditja kryesohet nga Real Madrid me një vlerë prej 3.478 miliardë euro, ndërsa vihet re mungesa e Juventusit në 10 skuadrat e para edhe pse duhet thënë që klubi italian ka pësuar një rritje të madhe të vlerës në 2 vitet e fundit.

Studimi i quajtur “Elita Europiane 2020′ analizon vlerën e shoqërive të 32 klubeve kryesore evropiane dhe dy të parat mbeten përkatësisht Real Madrid dhe Manchester United, ndërsa podiumin e plotëson Barcelona.

Duke krahasuar shifrat me vitin 2019, Barcelona ka parakaluar në renditje Bayern Munich që tashmë renditen të katërt. Liverpooli është ngjitur dy shkallë në vendin e pestë.

Për sa i përket klubeve italiane, Juventusi renditet e 11-ta ndërsa Interi, Roma dhe Milani, renditen përkatësisht në vendin e 14-të, 16-të dhe 22-të.

1. Real Madrid €3.478bn
2. Manchester United €3.342bn
3. FC Barcelona €3.193bn
4. Bayern Munich €2.878bn
5. Liverpool €2.658bn
6. Manchester City €2.606bn
7. Chelsea €2.218bn
8. Tottenham Hotspur €2.067bn
9. Paris Saint-Germain €1.911bn
10. Arsenal €1.852bn
11. Juventus €1.735bn
12. Inter €983m
13. Roma €602m
14. Napoli €590m
15. Milan €526m
16. Lazio €328m