Ambasadorja e ShBA-së në Tiranë, Yuri Kim, ka mbërritur pak minuta më parë në Kryesinë e Kuvendit.
Mësohet se ambasadorja do të zhvillojë fillimisht takim me Ulsi Manjën, nën cilësinë e Kryetarit të Komisionit të Ligjeve.
Në fokus të këtij takimi do të jetë zbatimi i Reformës në Drejtësi. Këto takime vijnë pas propozimit nga deputetët socialist, Adnor Shameti dhe Ulsi Manja për ndërhyrje në Reformën në Drejtësi. Ambasadorja Yuri Kim së fundmi ka bërë dhe deklarata të forta lidhur me këtë reformë.
Ndërkohë, menjëherë pas takimit me Manjan, ambasadorja Kim do të takohet me kryetarin e Kuvendit, Gramoz Ruçi.
