Monika Kryemadhi reagoi lodhur me mosdakortësinë në tryezën për reformën zgjedhore këtë të Enjte, duke dhënë një mesazh për ndërkombëtarët.
Kryemadhi pohoi se kërkesat e opozitës për identifikimin biometrik dhe ndryshimin e drejtorit të policisë 100 ditë para zgjedhjeve, nuk u pranuan nga mazhoranca.
“Njëri (emigrant) ishte në Las Vegas po luante në kazino, por rezulton që ka votuar”, deklaroi Kryemadhi në një emision televiziv, për të theksuar rëndësinë e identifikimit biometrik në ndalimin e abuzimit me votën.
“Roli i policisë akoma pa ikur shenjat e teatrit do ishte më e moralshme nga ana e mazhorancës për të bërë rolin e një toleranti”, shtoi ajo.
“Shpresoj që reagimet të vijnë nga ata që kanë besuar te Rama”, tha Kryemadhi.
Kryetarja e LSI-së u shpreh se reforma zgjedhore është “obligimi i fundit politik i opozitës për ti dhënë zgjidhje situatës”, ndërsa shtoi se as ajo e as Zoti Basha, nuk besojnë se reforma do ndryshojë pikëpamjen e qytetarëve për situatën në vend.
