Kampionati turk i futbollit rikthehet më 12 qershor

Federata Turke e Futbollit, njoftoi sot se kampionati më elitar i vendit “Süper Lig” do të rinisë më 12 qershor.

Federata bëri të ditur se vendimi për rinisjen e ndeshjeve në 12 qershor u mor “në një marrëveshje të përbashkët mes federatës dhe 18 klubeve të Super Lig”. – raporton “Anadolu Agency.”

Ndërkohë në njoftim u tha se ndeshjet e kthimit të Kupës së Turqisë do të zhvillohen në 16 dhe 18 qershor. Fenerbahce do të luajë kundër Trabzonspor më 16 qershor, ndërsa Aytemiz Alanyaspor do të sfidojë Fraport-TAV Antalyaspor më 18 qershor.

LEXO EDHE  Sot luhet Napoli-Milan, Gattuso sfidon të kaluarën

Federata shtoi gjithashtu se gjatë një ndeshjeje do të lejohen pesë zëvendësime ashtu si në Bundesligën gjermane.