Pak kohë më parë, u bë viral sherri virtual mes Dasara Karaiskaj dhe ish-banores së “Big Brother Albania”, Gerta Shino.
Dasara Karaiskaj, teksa është intervistuar së fundmi nga Ronaldo Sharka për “Mes Yjesh” në Ora News, në linjën e sqarimit të sherreve, foli edhe për atë me Gerta Shinon.
Ronaldo Sharka: Seç është dhe një titull tjetër që një ish banore e Big Brother do të të hidhte në gjyq, a do e hidhje ti.
Dasara Karaiskaj: E është! Ty bravo të qoftë që e përmende sepse kjo lidhet me linjën e bisedës që po të bëja! Kur ka ardhur Capital T në Tiranë për “Time Capsule”, organizoi një festë private me VIP-a. Rasësisht në tavolinë kisha këtë vajzën. I dhash dorën dhe i thash nuk të njoh! Ajo tha, më njeh, i thash nuk të njoh, dhe kur ajo m’u prezantua e kuptova se ishte pikërisht kjo vajza që kishte bërë namin nëpër portale. I thash, dëgjo, njerëzit nuk e kuptojnë që unë nuk u mora me ty, u mora me fenomenin. Të kam harruar, nuk mbaj mëri”- tregoi Dasara për përballjen pas sherrit virtual duke shtuar më tej se nuk mban bretkosa brënda, i ka nxjerrë të gjitha dhe e bën gjumin e qetë, thënë ndryshe nuk mban inate!
