Kreu demokrat Lulzim Basha ka reaguar përmes një postimi në rrjetet sociale lidhur me bisedën që ka pasur me Komisionerin për Zgjerimin, Oliver Varhelyi, përsa i takon reformës zgjedhore.
Basha falenderon Komisionerin për Zgjerimin, ndërsa e cilëson bisedën me Varhelyi si shumë pozitive.
“Bisedë shumë e frytshme me Komisionerin për Zgjerimin, Oliver Varhelyi. E falënderova për mbështetjen e tij dhe theksova përpjekjet e Partisë Demokratike për të kontribuar për reformën zgjedhore.
Nënvizova se vullneti politik është vendimtar si për ta përfunduar reformën, edhe për të garantuar zgjedhje demokratike, të lira nga shitblerja e votës dhe nga ndikimi i krimit të organizuar”, shkruan Basha.
