Kompania franceze Voltalia, është kompania e cila është shpallur fituese e ankandit për parkun fotovoltaik të Karavastasë.
Çmimi i dhënë për megavat prej tyre është 24,89 euro. Ministrja e Transportit dhe Enegjisë Belinda Balluku e konsiderojë këtë çmim si rekord për parqe të tilla.
“Kjo është një ofertë e jashtëzakonshme, e cila do të kthehet një marrdhënie përfitimi si për shtetin shqiptar ashtu edhe për për kompaninë franceze në shtetin tonë. Pse kemi zgjedhur çmimin 55 euro si tavanin për ofertim? E kemi zgjedhur çmimin pasi kemi bërë një studim të thellë të tregut në tre vitet e fundit”.
“Ky park energjitik do jetë më i madhi në rajon. Më vjen mirë që ne ne jemi në gjendje që të shikojmë konkretisht finalizimin e një përpjekje të madhe për të hapur një faqe të re në historinë e sistemit energjetik duke përfshirë një volum të rëndësishëm, i pari i kësaj natyre, energjisë diellore në sistem dhe një investim të huaj mbi 100 mln euro. Do të bëhet nga një kompani me prestigj ndërkombëtar, deklaroi kryeministri Rama./Monitor/
