Përgatitësi fizik i skuadrës së Lyon-it, Paolo Rongoni, ka deklaruar se shpreson që Lazio të fitojë Serinë A, pasi kështu skuadra ku ai bën pjesë do të kishte shanse më të mëdha për të eliminuar Juven nga Liga e Kampioneve.
Lyon-i ka fituar 1-0 ndeshjen e parë kundër bardhezinjve, ndërsa ndeshja e kthimit luhet në Torino. Por në ndeshjen e kthimit, skuadra italiane pritet të jetë në formë më të mirë se francezët duke ditur që Ligue 1 e ka mbyllur sezonin e saj, ndërsa Juventusi do të luajë edhe 12 ndeshje të tjera për të përfunduar sezonin.
“Shpresoj që Lazio të fitojë kampionatin Italian dhe më pas ta eliminojmë ne Juven në Ligën e Kampioneve. Në këtë situatë brenda skuadrës së tyre do të kenë plasur debatet dhe ne do t‘i japim goditjen finale. Ata sigurisht do të jenë në gjendje më të mirë fizike se ne pas 12 ndeshjeve. Gjëja e vetme që mund të na japë avantazhin është nëse gjërat nuk shkojnë mirë për ta në kampionat.” – ka thënë Rongoni për “Radio Incontro Olympia.
