Klubi i Serie A, Bologna, bëri të ditur sot se një anëtar i stafit teknik të klubit mund të ketë rezultuar pozitiv me coronavirus, gjë e cila mund të çojë në izolimin e të gjithë skuadrës.
Ky njoftim vjen në prag të një takimi mes Serie A dhe qeverisë italiane, e cila do të përcaktojë fatet e sezonit.
“Duke pritur investigimet e mëtejshme, si masë paraprake ditën e nesërme skuadra do të stërvitet e diferencuar në kohë të ndryshme. Nëse rasti pozitiv do të konfirmohet, e gjithë skuadra do të vendoset në karantinë”. thuhet në njoftimin e Bolognas.
