Aktori i famshëm i Brodway, Nick Cordero ka një infeksion të ri në mushkëri. Lajmi u dha nga bashkëshortja e tij Amanda Kloots në një postim në Instagram, ndërsa informoi ndjekësit mbi ecurinë e betejës së burrit të saj me koronavirusin.
Ajo u shpreh se kjo ka qenë një javë e vështirë dhe megjithëse Cordero mori një infeksion të ri, po bëhet më mirë.
“Dita-ditës, ora-orës po bëhet më mirë. Po shkon sërish në gjendjen ku ishte para se të merrte infeksion,”- shkroi Amanda.
41 vjeçari, i nominuar për Toni, u shtrua fillimisht në spital në 30 mars me pneumoni dhe më pas rezultoi pozitiv me koronavirus.
Ai u intubua në 1 prill dhe përveç që vuante nga pneumonia, kaloi në shok septik si edhe përfundoi me këmbë të amputuar.
