25 raste të reja me COVID-19 nga 173 teste të realizuara dhe 1 viktimë u konfirmuan gjatë 24 orëve të fundit në vendin tonë. Raste e reja i përkasin 24 Tiranës dhe 1 në qytetin e Durrësit.
15 nga 24 rastet e reja janë punonjës në një call center kontakte të një rasti pozitiv të identifikuar dy ditë më parë. Po vijon hetimi epidemiologjik edhe për disa raste të reja në Tiranë.
Në total numri i të infektuarëve në vendin tonë ka arritur në 1029 raste pozitive. Prej tyre, rreth 78% janë të shëruar.
Mëngjesin e sotëm ka ndërruar jetë, pavarësisht përpjekjeve të mjekëve një pacient 69-vjeçar nga Tirana, me inicialet S.K., i cili po trajtohej në terapi intensive në spitalin infektiv. Që nga fillimi epidemisë, 33 qytetarë e kanë humbur betejën me Covid19.
Gjatë 24 orëve të fundit betejën me COVID-19 e kanë fituar dhe 8 pacientë të tjerë.
Në 24 orët e fundit kemi sërish shtrime të reja në spitalin infektiv, ku aktualisht po trajtohen 17 pacientë, nga të cilët 3 janë në terapi intensive. Në 24 orët e fundit ka rritje të numrit të të prekurve, të lidhura me kontakte të rasteve të mëparshme pozitive por edhe vatra të reja në Tiranë.Në vendin tonë aktualisht janë 193 persona aktivë me COVID19, kryesisht ne Tiranë, Durrës Krujë, Shkodër.
COVID-19 – Statistika (26 Maj 2020)
Testime totale 14832
Testime molekulare 13506
Testime serologjike 1326
Raste pozitive 1029
Raste të shëruara 803
Raste Aktive 193
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 80
Durrës 54
Krujë 24
Shkodër 12
Berat 10
Kamëz 9
Fier 2
