Ish-ministri i Drejtësisë, Ylli Manjani shprehet se ambasadorët ne vendin tonë shihen nga populli si neutral, por sipas tij, edhe ata janë të gabueshëm dhe mbajnë anë politike.
“Në mjedisin publik ka zënë një vend të pa merituar. Se shqiptarët nuk po votojnë për ambasadorët. Nga ana e dytë, ambasadorët nuk janë as Zoti as të dërguarit e Zotit, janë njerëz si ne të tjerët prej mishi dhe gjaku. Hanë dhe dhjesin njëlloj si ne të tjerët. Gabojnë si ne të tjerët. Nuk është nja gjë…”, tha Manjani në një emision televiziv.
“Politika për interesa të veta u jep hapësirë aq sa i përdor. Ka edhe një dëshirë të madhe nga populli shqiptarë pasi janë të lodhur nga politika shqiptare dhe përpiqen të shikojnë një diçka neutrale mbi politikën që t’i bëjë zap. Por ata e thonë edhe vetë që nuk janë të paanshëm. Ka një qasje të tyre”, shtoi ai.
