Ish-lojtari dhe legjenda e Manchester City, Glyn Pardoe, ka ndërruar jetë në moshën 73-vjeçare.
Lajmin e ka bërë të ditur vetë gjigandi anglez, që shpreh trishtimin e thellë për humbjen e futbollistit që ka bërë historinë me “Qytetarët”. Pardoe e ndihmoi City-n të fitonte titullin kampion në vitin 1968 dhe shënoi golin e fitores në finalen e Kupës së Ligës 1970.
I ndjeri e kaloi të gjithë karrierën e tij futbollistike me City-n mes viteve 1962 dhe 1976. Pardoe gjithashtu është lojtari më i ri debutues në historinë e Manchester Cityt, pasi luajti për herë të parë në moshën 15 vjeç e 341 ditë.
Ish-mbrojtësi zhvilloi 305 ndeshje me fanellën e citizienëve, ku luajti për 14 sezone, teksa shënoi 17 gola.
The winning goal in the 1970 League Cup Final scored by Glyn Pardoe.
What a player! 💙 pic.twitter.com/hFX7SGc1p1
— Manchester City (@ManCity) May 26, 2020
