Presidenti i Interit, Steven Zhang, nuk do të rinovojë më kontratën me kompaninë e gomave “Pirelli”, e cila ka qenë sponsori kryesor i skuadrës prej 25 vitesh.
Nga kjo marrëveshje zikaltërit përfitonin 12 milionë euro në sezon, shifër kjo e papërfillshme krahasuar me gjigandët e tjerë europianë. Po të bëjmë një krahasim, Juventusi, e cila sponsorizohet nga Jeep përfiton 42 milionë euro në vit.
Duke parë këtë tablo, Zhang ka vendosur të ndryshojë sponsor dhe dy kandidatët kryesore për të qenë sponsori i Interit janë Samsung dhe grupi “Evergrande”.
Me marrëveshjen e re, Zhang synon që ta dyfishojë fitimet duke e çuar në kufirin 24-25 milionë euro në sezon.
