Bayern Munich ka mposhtur Dortmundin me rezultatin 0-1 në superndeshjen e javës së 28-të të Bundesligës gjermane.
Loja ka qenë e ekuilibruar por kampionët në fuqi kanë marrë pikët e plota falë një goli të mahnitshëm nga Kimich në fundin e pjesës së parë. Ylli i bavarezëve ka mposhtur portierin Burki me një goditje të mrekullueshme parabël nga jashtë zone.
Një humbje kjo e rëndë për verdhezinjtë, që tashmë i shohin rivalët e tyre të shkëputur me 7 pikë në krye ndërsa ngelen edhe 7 ndeshje për tu zhvilluar.
Bayern-i nga ana tjetër arrijnë fitoren e tyre të 13-të në 14 ndeshjet e fundit në kampionat ndërsa hedhin një hap të sigurt drejt titullit të 29-të në historinë e tyre.
