Ylli Manjani, ish-ministër i Drejtësisë, shkruan në rrjetet sociale se Kryeministri Edi Rama mund të thërrasë zgjedhjet lokale në vjeshtë.
“Nuk do çuditesha nëse do dëgjonim Bosin të kërkojë thirrjen e zgjedhjeve lokale këtë vjeshtë. E kundërta do më çudiste”, shkruan Manjani.
Në vijim të kësaj ideje, ish-ministri thekson se zhvillimi i zgjedhjeve në vjeshtë i jep mundësinë të shohë sa mbështetje i ka mbetur.
“I duhet një valvul shfryrëse e helmit ndaj tij. Me atë rast sheh realisht sa mbështjetje i ka mbetur. Me thënë të drejtën e ka mendjen në mësim”, shkruan Manjani.
Opozita ka kërkuar zhvillimin e zgjedhjeve vendore dhe atyre parlamentare në një ditë, kjo referuar faktit se në 30 qershor nuk pati një proces të rregullt zgjedhor, pasi pati vetëm kandidatë nga PS, e cila sot kontrollon 60 nga 61 bashkitë që ka vendi.
