Ministrja për marrëdhëniet me Shtetin, Elisa Spiropali, e cila bën Don Kishotin figurë të letësisë shqiptare, ngatërron ngjyrat e flamurit dhe shefin e saj e quan “Skënderbe”, ka ofenduar sërish qytetarët që protestojnë në mbrojtje të identitetit, historisë dhe kulturës sonë.
Gjatë një interviste për një media televizive, ajo deklaroi se: “Ata që dalin në foltore të improvizuara, nxjerrin lista me këshilltarë bashkiakë, bëjnë thirrje për shpërndarje Parlamenti, janë të gjithë trushpëlarë”.
Ministrja e Ramës, shprehet se arsyeja e shembjes së Teatrit Kombëtar në orën 04:00 të mëngjesin me policë me maska e automatikë në duar u bë për shkak se e dinin që do kishte rezistencë, por këtë grup të rezistencës ajo e quan pakicë edhe pse “Rilidnja” nuk pranoi të bënte referendum në lidhje me shembjen e godinës së Teatrit Kombëtar, për të ditur se cili ishte mendimi i shumicës.
“Janë bërë shumë dëgjesa publike, ku të gjitha palët kanë shprehur mendimin e tyre dhe ai grup i vogël kundër shembjes nuk do të kishte ndryshuar mendje në dëgjesa të tjera. Duke e ditur që do të kishte rezistencë, u zgjodh ajo mënyrë dhe ajo kohë për të shmangur përplasjen, që shumica të kryente detyrën dhe pakica të dëmtohej sa më pak” deklaroi Spiropali.
