Autoritet italiane kanë vënë në pranga një 33-vjeçar shqiptar, pasi akuzohet për trafik të lëndëve narkotike.
Ai u kap në Firence me 100 gramë kokainë, të cilën e kishte fshehur poshtë sediljes së motorit.
33-vjeçari ishte person i njohur për karabinierët, të cilët e mbanin vazhdimisht nën vëzhgim.
Mediat italiane raprtojnë se shqiptari ka shfaqur shenja nervozizmi pas ndalimit nga karabinierët në rrugë dhe kur ata i kërkuan të ngrinte sediljen për të parë çfarë kishte poshtë saj.
Kontrolli i mëvonshëm i zbuloi edhe një sasi tjetër kokaine, 800 gramë, të ndarë në dy qese. Po ashtu, shqiptari kishte edhe dy gramë marijuanë dhe mjetet për ndarjen në doza dhe konfeksionimin e drogës.
