Masat shtrënguese/ Çfarë ndodh nga 1 Qershori. Ja kur hapen plazhet

Kryeministri Edi Rama deklaroi këtë të Diel se nga 1 Qershori do hapen kufijtë e vendit. Lidhur me sezonin turistik, deklaroi se “plazhet hapen nga 1 qershori për hotelet dhe pas 10 qershorit për të gjithë”.

Rama njoftoi se brenda kësaj jave do të ngrihet një “autoritet i përkohshëm licensues i plazheve nga subjektet private.” Asnjë nga kontratat ekzistuese nuk do të jetë e vlefshme dhe çdo kontratë e re që bashkitë do të lidhin do duhet të ketë miratimin paraprak të këtij autoriteti, shtoi.

“Ndërkohë të gjitha të ardhurat do i shkojnë bashkive”, tha Rama pasi theksoi se zaptimin e rërës me çadra e shezllonë do e ndëshkojë pa kompromis.

Kryeministri bëri me dije se, java e ardhshme do jetë e fundit me kufizim të orareve në të gjithë vendin, por shtoi se pavarësisht ditëve të javës, “dy fundjava pa makina do mbeten në fuqi”.

Ai tha se më pas nuk do jetë as ky kufizim, shtoi, por do të rikthehet në vjeshtë, si nismë për të mbrojtur mjedisin e ulur ndotjen.

LEXO EDHE  E zë poshtë masivi i gurëve, humb jetën bariu

“Fundjava pa makina do të mbetet në fuqi edhe dy të shtuna e të djela për t’u rikthyer pas sezonit të verës, çdo të dielë minimalisht nga tetori deri në marsin e ardhshëm, si një moment i përjavshëm kushtuar ajrit pa tym makinash, të moshuarve, fëmijëve dhe mjedisit tonë”, tha Rama.

Lexo edhe

“Java e fundit e kufizimeve”/ Rama: Transporti publik hapet në fund të muajit