Felipe Massa ka folur së fundmi për shëndetin e ish-shokut të tij të skuadrës te Ferrari, Michael Schumacher.
Në një intervistë për Fox Sports, ish-piloti Brazilian rrëfeu se ka informacione për gjendjen shëndetësore të Michael, por nuk mund të japë detaje mbi këtë çështje.
“Unë e di se si është Michael, kam informacion të drejtpërdrejtë për gjendjen e tij. Marrëdhënia ime me të ka qenë gjithmonë shumë e ngushtë.”
“Ne e dimë që situata e tij nuk është e lehtë. Lutem çdo ditë që të mund të përmirësohet. Ai po kalon një fazë delikate, por ne duhet ta respektojmë atë, siç bëra me familjen e tij. Ata nuk u pëlqen të zbulojnë ndonjë informacion, kështu që kush jam unë për ta bërë këtë“, u shpreh Massa.
Michael Schumacher ra në gjendje kome pas një aksidenti në Meribel më 29 Dhjetor 2013, ndërsa për gjendjen e tij që prej asaj kohë nuk dihet asgjë konkrete.
