Ryan Giggs të gjithë karrierën e tij e kaloi te Manchester United. Uellsiani kaloi plot 24 sezone te Djajtë e Kuq me të cilët fitoi gjithçka.
Normalisht duke qenë se bëhet fjalë për një klub kolos, te United, Giggs luajti me lojtarë tepër të shkëlqyer përgjaë viteve të ndryshme. Mirëpo kur bëhet fjalë për të zgjedhur 2 lojtarët më të mirë që ka luajtuar, ai zgjedh, Cristiano Ronaldon dhe Paul Scholes.
Por Giggs, tani ka rezervuar lëvdata të veçanta për super yllin portugez të cilin e cilëson si të shkëlqyer, ndërsa për Scholes thotë se ishte një makth të luash kundër tij në stërvitje.
“Lojtari më i mirë me të cilin kam luajtur ndonjëherë është Cristiano Ronaldo. Natyrisht ai qëndroi për gjashtë vite dhe ai ishte i pabesueshëm për United dhe më pas vazhdoi të bëjë akoma më mirë diku tjetër”. – deklaroi Giggs, kur u pyet për lojtarin më të mirë me të cilin ka luajtur.
Por, duke u ndalur vetëm tek United, Giggs ka zgjedhur Scholes, si lojtarin më të mire, pasi ashtu si ai, anglezi e kaloi të gjithë karrierën e tij me Manchesterin.
“Scholes është lojtari më i mirë më të cilin kam luajtur tek United. Ju e keni parë gjithë në stërvitje, por nuk mund të afroheshit tek ai”, deklaroi Giggs.
