Borussia Dortmund ka mposhtur me rezultatin 0-2 Wolfsburgun, në kryendeshjen e javës së 27-të të Bundesligës.
Goli i parë për verdhezinjtë u shënua në minutën e 31-të me anë të mbrojtësit portugez, Raphael Guerreiro. Ndërkohë në pjesën e dytë loja u shfaq e ekuilibruar por Wolfsburg ishte e pafuqishme të baraspeshonte rezultatin. Goditja përfundimtare për ta erdhi nga një tjetër mbrojtës. Ishte Achraf Hakimi ai që vulosi shifrat përfudnimtare 0-2 me golin e tij të realizuar në minutën e 78-të.
Në ndeshjet e tjera bie në sy humbja e Borussia Monchegladbach në shtëpi përballë Bayern Leverkusen. Miqtë triumfuan me rezultatin 1-3. Ndërkohë sukses ka korrur edhe Werder Bremen ku goli i Bittencourt në pjesën e parë i dha skuadrës pikët e plota në transfertën e Freiburgut.
Paderborni i Klaus Gjasulës ka marrë një pikë në barazimin 1-1 kundër Hoffenheim. Në këtë ndeshje Gjasula u ndëshkua me karton të verdhë, i 14-ti për të këtë sezon.
