Presidenti Ilir Meta ka zgjedhur pasqyrimin e një takimi me ambasadorin e Britanisë në vendin tonë për të ndarë një mesazh, pas propozimit të platformës së tij me 14 pika.
Sipas kreut të shtetit, platforma ka për qëllim përshpejtimin e integrimit të Shqipërisë në Bashkimin Europian dhe që nënkupton një bashkëpunim qeveri – opozitë.
Kreu i PD Basha, i pyetur nga gazetarët për platformën e Metës, nuk deklaroi se pranon të ulet në një tryezë me kryeministrin Edi Rama. Ai tha se “opozita po e bën detyrën e saj në raport me 15 kushtet për integrimin”, duke iu referuar Reformës Zgjedhore, për të cilën tha se do vijojë të angazhohet.
Kreu i shtetit ndërkohë, pas deklaratave të Bashës shkruan në një postim në FB se gjatë një takimi me ambasadorin britanik “shpreha keqardhjen për mënyrën destruktive të sjelljes ndaj këtij propozimi, duke minuar mundësitë për dialog”.
