Prokuroria e Posaçme Anti- Korrupsion ka nisur hetimet për shembjen e Teatrit Kombëtar.
Prokurori i çështjes është ngarkuar Edvin Kondilli.
Raportohet se Kondilli ka bashkuar në një çështje dy paditë e Aleancës për Mbrojtjen e Teatrit: një për kryebashkiakun Veliaj dhe një të dytë për inxhinierët të Institutit të Ndërtimit që firmosën vendimin për shembjen e teatrit.
Veliaj akuzohet për “shpërdorim detyre, korrupsion i zyrtarëve që kryejnë funksion publik, kryer në bashkëpunim”.
Ndërsa inxhinierët akuzohen se kanë firmosur më 14 maj një raport ku rekomandojnë shembjen e teatrit, pa e vizituar dhe inspektuar nga afër teatrin. Ata janë bazuar në një akt inspektimi të vitit 2018, dhe arritën në përfundimin që teatri duhej shembur, një konkluzion ky që nuk ishte arritur nga inxhinierët që e kanë inspektuar nga afër teatrin në 2018-ën.
Në raport, u bazua dhe Bashkia e Tiranës e drejtuar nga Veliaj, që mori vendimin për shembjen e godinës.
