Epidemiologu Ilir Alimehmeti ka publikuar disa statistika interesante në lidhje me virusin COVID-19 në vendin tonë.
Ai bën me dije se kulmi spitalor i pandemisë në Shqipëri ka qenë në 25 mars me shtrimin e 58 për qind të të prekurve, ku 3.2 për qind e tyre ishin të shtruar në shërbimin intensiv.
Në lidhje me masat fillestare, sipas tij mbyllja e shkollave më datë 9 mars dhe shpallja e Gjendjes së Fatkeqësisë Natyrore më datë 24 mars ishin vendimet e duhura, ndërsa zgjatja e saj deri në 23 qershor ishtë një masë e pabazuar në të dhëna statistikore.
Postimi i plotë në Facebook:
“Puna e epidemiologjisë është e lidhur me pyetjet e papërgjigjura, por edhe me përgjigjet e papyetura!”❗
Cit. Patricia Buffler (Universiteti i Kalifornisë – Kongresi Amerikano-Verior i Epidemiologjisë 2011)
Le të hedhim një sy mbi çfarë ka ndodhur në Shqipëri prej fillimit të epidemisë!
📊 Grafiku 1 (Përqindja e Rasteve Aktive me COVID-19 të Shtruar në Spital dhe në Terapi Intensive):
🚧 Në këtë grafik paraqiten rastet e shtruara në spital (shtrime më të lehta) dhe ato të shtruara në terapi intensive. Ato janë shprehur si përqindje e rasteve aktive në Shqipëri, pra mos i ngatërroni me rastet e reja.
🚧 Paraqiten gjithashtu edhe pikat kryesore të vendimmarrjes qeveritare.
