“Po, mund të notosh në det. Virusi nuk transmetohet me ujë. Edhe nëse një person i infektuar me Covid-19 lahet në det, ai nuk do ta shpërndajë virusin në ujë. Sigurisht që është mire të mos notosh ballë për ballë me një tjetër person, por uji i detit nuk është mjet për infeksion”.
Kështu është shprehur Nicola Petrosillo, drejtor i departamentit klinik dhe hulumtues të Sëmundjeve Infektive të spitalit Spallanzani.
Optimist mbi efektin e të nxehtit për të luftuar Covid-19
Nicola ka shtuar se ai është optimist për verën. Sipas tij, ka shpresë që nxehtësia mund të ndërhyjë, në drejtim të rrezeve ultraviolet dhe lagështisë.
“Madje bazuar në raste të tjera të viruseve të ngjashme, do të zvogëlojë ngarkesën bakteriale të pranishme në pikat e lëshuara në ajër. Ka përvoja të tjera në këtë drejtim me virusin Saars dhe viruset e gripit. Kjo gjë funksionon mirë, por atëherë do të duhet të merremi me realitetin”, ka thënë ai.
