Gjykata e Shkodrës ka shuar masën e sigurisë “arrest me burg” për disa anëtarë të grupit kriminal “Bajri”, ku një prej tyre që përfiton është dhe Safet Bajri.
Për Safet Bajrin është urdhëruar qëndrimin në burg vetëm për vendimin penal të formës së prerë, i cili është 9 vite bùrg, për shkak të një dënimi të dhënë nga drejtësia belge, për trafik dròge dhe prostitucion.
Qelinë e ka lënë Ismet Idrizi, Asmer Bilali dhe Samet Halluni. Nga ana tjetër, gjykata ka zgjatur afatet e paraburgimit për Behar Bajrin dhe Ilir Bajrin.
Gjithashtu, për pjesëtarët e grupit Emrah Plaku dhe Jorida Murati gjykata ka zëvendësuar masën e “arrestit shtëpiak” në “detyrim paraqitje në policinsë gjyqësore”.
Trupa gjykuese që mori vendimin mbi grupin “Bajri” përbëhej nga Besmir Stroka, i cili ka pranuar sot kërkesën e avokatëve mbrojtës Arben Hoxha dhe Sokol Tahiraj.
Hetimet për ta ishin në duart e SPAK por ia kaluan Prokurorisë së Shkodrës, pasi nuk po hetoheshin si një grup i strukturuar kriminal, duke mos qenë kompetencë e SPAK
