Pak kohë më parë, UEFA vendosi datën 25 maj ku të gjithë Federatat e Futbollit duhej të dorëzonin kalendarin për përfundimin e sezonit futbollistik.
Por ky afat është shtyrë në datën 17 qershor duke lehtësuar kështu punën për rifillimin e kampionateve. Sipas “SportMediaset”, Federatat do të duhet të komunikojnë nëse dhe me çfarë formati do ta përmbyllin sezonin. Plani i tyre do dorëzohet në Komitetin Ekzekutiv të UEFA-s, më 17 qershor, jo me 25 maj, sikurse ishte menduar më parë. Kjo është thënë nga burime të vetë organit më të lartë të futbollit në Europë.
Ky vendim mund të jetë marrë prej e uljes së numrit të të infektuarve me Covid-19 dhe kur mundësitë për të rifilluar kampionatet rriten. Në pesë ligat kryesore në Europë ka përfunduar sezonin para kohe vetëm Franca, ndërkohë që ka rifilluar Bundesliga dhe muajin e ardhshëm të njëjtin fat mund ta kenë edhe Serie A, La Liga dhe Premier League.
