Policia e Tiranës ka vënë në pranga pesë persona për vepra të ndryshme penale.
Një prej tyre akuzohet për dhunë ndaj bashkëshortes ndërsa katër të tjerët për drejtim mjeti në mënyrë të parregullt.
Më konkretisht:
Është arrestuar për veprën penale “Dhuna në familje”, shtetasi Z. C., 48 vjeç, pasi ka ushtruar dhunë fizike dhe psikologjike ndaj bashkëshortes së tij, në banesë.
Është arrestuar shtetasi R. Z., 22 vjeç, pasi në vendin e quajtur “Bulevardi Blu” është kapur në flagrancë duke drejtuar mjetin pa leje drejtimi;
Është arrestuar shtetasi J. N., 49 vjeç, pasi në vendin e quajtur “Nënkalimi i Kodrës së Dellit” është kapur në flagrancë duke drejtuar mjetin në gjendje të dehur, në masën 1.32 mg/l;
Është arrestuar shtetasi G. G., 50 vjeç, pasi në Surrel është kapur në flagrancë duke drejtuar mjetin në gjendje të dehur, në masën 1.31 mg/l;
Është arrestuar shtetasi B. K., 50 vjeç, pasi në rrugën “Teodor Keko” është kapur në flagrancë duke drejtuar mjetin në gjendje të dehur, në masën 0.82 mg/l.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
