Aktori dhe regjizori Artan Imami tha se Teatri Kombëtar kishte mbaruar funksionin, ishte si ai i sëmuri lebroz, që pjesët i binin një nga një.
Imami është një nga emrat e njohur të skenës që mbështesnin idenë e një Teatri të ri, duke i qëndruar në krah Kryeministrit Edi Rama.
Imami në emisionin Open tha se ajo godinë u kthye në Teatër në vitin 1977.
“Teatri kishte mbaruar, i kishte rënë tavani, shiu hynte brenda, madje kur shkonim ne aktorët në banjë, i binim derës, që të ikte miu dhe të hynim ne”, tha Imami.
Nga shfaqja në ekran, Imami dukej i lumtur nga shembja e Teatrit, duke mbrojtur idenë se pro ka qenë edhe Kadri Roshi.
“Unë kam qenë dëshmitar okular, edhe Kadri Roshi mbështeste shembjen e Teatrit”, tha Imami.
