Pronari amerikan i Arsenalit, Stan Kroenke, ka një pasuri prej 10 miliardë dollarë, ndërsa ka në zotërimin e tij disa skuadra në kampionate e sporte të ndryshme si NFL, NBA, NHl dhe Premier League.
Manjati i sportit dhe bashkëshortja e tij e cila është trashëgimtare e korporatës gjigande Walmart, në vitin 2016 blenë fermën më të madhe në SHBA, me një sipërfaqe më të madhe se qyteti i New Yorku-t dhe Los Angelesit të marra së bashku.
Me një sipërfaqe prej 535 mijë akra “Waggoner Ranch”, ndodhet në Texas dhe është blerë nga Kroenke për shifrën e 614 milionë dollarëve. Ferma përfshin mijëra bagëti, qindra kuaj dhe puse nafte, ndërsa 30,000 akra janë tokë bujqësore.
Kur e bëri fermën të tijën në vitin 2016, Kroenke tha: “Kjo është një mundësi e jashtëzakonshme dhe një përgjegjësi akoma më e madhe.”
