Emiljan Gjura, 31 vjeç dhe Ermir Reshiti, 35 vjeç kanë pranuar para Gjykatën mbretërore në Chelmsford përfshirjen e tyre në kultivimin më të madh të kanabisit të kryer ndonjëherë në Southend.
Dyshja u arrestuan në rrugën Grainger më 20 prill nën akuzën për përfshirjen në kultivimin dhe në furnizimin me kanabis.
Një total prej 3727 rrënjë janë gjetur në ndërtesë, me vlerë më shumë se 2 milion paund. Gjura dhe Reshiti kishin jetuar në ndërtesën industriale, ku kultivohej kanabisi.
Në Gjykatë u tha se Reshiti kishte mbërritur në Britani rreth pesë muaj më parë dhe kishte punuar në fermën e drogës për një muaj para se të gjendej nga policia.
Gjura kishte shkuar në Mbretërinë e Bashkuar duke kërkuar punë për të ndihmuar gruan dhe vajzën e tij në Shqipëri, por ishte “shfrytëzuar” përmes statusit të tij të emigrantit.
Të dy shqiptarët u shfaqën përmes lidhjes video dhe folën vetëm për të konfirmuar emrat e tyre.
Avokati mbrojtës tha se roli i tyre ishte i nivelit të ulët në operacionin e trajtimit të drogave, megjithatë, prokuroria tha se për shkak të sasisë së kanabisit të gjetur, roli është më domethënës.
Seanca e radhës do të zhvillohet më 22 qershor. Gjykatësi Andrew Hurst u tha të pandehurve se do të mbaheshin në paraburgim deri në paraqitjen tjetër të gjykatës.
Fermat e kanabisit ishte vendosur vetëm rreth 300 metra larg stacionit të afërt të policisë.
