Mbrëmjen e ditës së diel, Alessandro Del Piero, u shtrua me urgjencë në një nga spitalet e Los Angeles. Ish-futbollisti legjendar italian, kishte dhimbje të forta barku dhe problemeve renale dhe më pas u zbulua se vuante nga gurët në veshka.
Megjithatë për fat të mirë, më e keqja duket se ka kaluar për të. Ish-kapiteni i Juventusit, së fundmi ka reaguar përmes një video-mesazhi në Instagram, ku falënderon fansat e tij të pafund, që i kanë dedikuar shumë mesazhe dashamirëse e mbështetjeje, duke i informuar se ka lënë spitalin dhe është kthyer në shtëpi tashmë:
“Përshëndetje të gjithëve, jua lë këtë mesazh të vogël me video, sepse kam dashur t’i falënderoj të gjithë ata që më shkruan të shqetësuar për problemin shëndetësor që kisha. Faleminderit shumë për mbështetjen tuaj! Unë jam mirë, tashmë ndodhem në shtëpi. Ju dërgoj një përqafim të gjithëve!”
