“Transporti publik nuk do hapet në Shqipëri me afat të papërcaktuar”, tha Kryeministri Edi Rama në një lidhje me News24, duke theksuar se ai është problem i madh për pandeminë e koronavirusit.
“Çdo gjë do hapet, do menaxhojmë sa më mirë por pa popullin e njerëzit kontribues është e pamundur, palestrat e të tjera do zgjidhen në vijim, brenda majit, do shohim deri në fund të kësaj jave sa do jenë shifrat do hapim dhe kufijtë tokësorë, me Kosovën e kufijtë e tjerë tokësorë që kemi”, tha Rama.
I pyetur për konfuzionin që ka krijuar orari për restorantet e lokalet në të gjitha zonat, Rama u shpreh se “deri në 9 është e lirë lëvizja pa autorizim në zonat e kuqe e lokalet e restorantet patjetër që në zonat e tjera mund të rrinë hapur edhe përtej orës 9, edhe në zonat e kuqe edhe për pak ditë do jenë deri në orën 9 dhe më pas do zgjerohet orari”.
