Presidentin e Lyon-it, Jean-Michel Aulas, i ka dërguar një letër parlamentarëve francezë për t’iu thënë se afati i 3 gushtit (i UEFA-s) ishte vetëm një rekomandim dhe jo kufizim zyrtar, duke kritikuar vendimin e Francës për t’i dhënë fund sezonit para kohe.
Ndërkohë së fundmi, presidenti i UEFA-s, Aleksandër Ceferin, ka mbështetur publikisht Jean-Michel Aulas, duke konfirmuar se afati për përfundimin e sezonit më 3 gusht është jozyrtar.
Përmes “Le Parisien”, Ceferin shkroi një letër duke thënë: “Data e 20 korrikut (për shoqatat e renditura deri te vendi i 16-të deri tek i 55-ti në renditjen e UEFA) dhe e 3 gushtit (vendi i parë deri tek i 15-ti) janë përmendur në prezantimet e bëra gjatë takimeve me sekretarët dhe presidentët e federatave më 21 prill, si dhe në takimet midis grupeve të punës. Megjithatë, gjatë këtyre takimeve ne si UEFA kemi përmendur gjithmonë që këto data janë vetëm rekomandime, të formuluara përkohësisht dhe jozyrtare”.
Një deklaratë e cila, rrjedhimisht shtrihet jo vetëm mbi futbollin francez, por përfshin gjithë panoramën europiane të këtij sporti, përfshirë edhe atë italiane, ku ka shumë debate mes qeverisë dhe FIGC për rifillimin e Serie A.
