Klubet e Premier League kanë vendosur të rikthehen në fushat e blerta këtë javë për të kryer stërvitje të plota në grup. Normalisht ashtu si në çdo ligë tjetër do të ndiqet protokolli higjieno-sanitar që FA i ka dërguar Qeverisë së Anglisë.
Teste për COVID-19, masa të rrepta higjienë dhe një kujdes i madh në kontaktet e evitueshme: Kështu pritet të jetë rutina e re e stërvitjes së skuadrave. Vendimi për të rifilluar stërvitjen e plotë këtë javë, është votuar unanimisht nga të gjithë aktorët e futbollit.
Mësohet se klubet angleze, janë inkurajuar me fillimin e Bundesligës këtë fundjavë duke kërkuar të ndjekin shembullin gjerman.
