Ministria e Shëndetësisë bëri të ditur se në 24 orët e fundit janë regjistruar dy raste me Covid-19 nga 168 testet e kryera.
Kjo është shifra më e ulët e deklaruar zyrtarisht që prej datës 8 mars, kur sipas Ministrisë së Shëndetësisë, u shfaqën rastet e para me Covid-19.
Dhe si për ironi, ulja drastike e numrit të rasteve përkon pikërisht me një ditë pas shembjes së Teatrit Kombëtar.
Në ditët e fundit rastet e deklaruara nga Ministria e Shëndetësisë ishin nga 17-18 raste në ditë, shumë më tepër se një javë më parë.
Ndoshta nuk ka asnjë lidhje, por shifrat për koronavirusin në Shqipëri kanë prodhuar grafikë të çuditshëm dhe kjo që ndodhi në ditët e fundit shton dyshime. Në 3-4 ditët para 17 majit, ditë kur u shemb Teatri, u deklaruan 17-18 raste në ditë, dje u deklaruan 13 raste, ndërsa sot vetëm 2 raste.
Të shohim në ditët në vazhdim se si do të ndikojnë protestat në numrin e rasteve të deklaruara, por nuk është çudi që të deklarohen shifra shumë më të larta se në ditët që Ministria raportoonte kulmin e epidemisë.
