Rreth 10 ditë më parë, klubi i Fiorentinës bëri me dije se 6 futbollistë vjollcë kishin rezultuar pozitiv me COVID-19. Ky lajm erdhi menjëherë pasi skuadrat kishin filluar stërvitjet individuale dhe ngriti shumë pikëpyetje për vazhdimësinë e seancave stërvitore.
Por mbrëmjen e djeshme, Fiorentina dha lajmin e mirë për të gjithë tifozët e saj por edhe për vazhdimësinë e futbollit italian se 5 nga 6 futbollistët e prekur janë shëruar plotësisht nga virusi famëkeq.
Kujtojmë që pas “ok” të marrë nga kryeministri i Italisë, Guissepe Conte, ditën e sotme skuadrat italiane fillojnë stërvitjet në grupe të plota.
