Aktori i njohur francez Michel Piccoli, ka ndërruar jetë ditën e sotme në moshën 94-vjeçare.
Aktor, regjisor, skenarist dhe producent filmi ai ka punuar me emra të mëdhenj europianë nga Godard te Bunel, Marco Ferreri dhe Elio Petri.
Lajmin e hidhur e kanë dhënë familjarët e tij për agjencinë francez AFP .
Po kush ishte Michel Piccoli?
Emri i tij i plotë është Jacques Daniel Michel Piccoli dhe lindi më 27 dhjetor të vitit 1925. Piccoli ishtet i biri i një emigranti itialin.
Pas shkollimit për aktor mori pjesë në shumë shfaqje parisiene. Për herë të parë si aktor ai luajti në vitin 1944 por roli kryesor i tij ishte në vitin 1963. Ai numëron me qindra role në karrierën ë tij.
Ndërsa diku nga mesi i vitit 1982, shoqëria filmike franceze “FLMSS 66”, e përfaqësuar nga ky aktor, ishte bërë gati për të ardhur në Shqipëri dhe për të filluar xhirimet e filmit “Gjenerali i ushtrisë së vdekur”, (sipas skenarit të përshtatur nga romani me të njëjtin titull të shkrimtarit të njohur Ismail Kadare).
Ky ekip papritur u ndesh me një sërë problemesh të ngritura nga pala shqiptare, e cila iu propozoi për të shtyrë fillimit të xhirimeve.
Gjë e cila për ta, as më shumë dhe as më pak do të thoshte se realizimi i filmit nga ana e tyre ishte në kufijtë e së pamundurës.
Më pas kjo shoqëri filmike u tërhoq dhe i zhvendosi xhirimet në jug të Italisë, ku dhe e realizoi filmin në fjalë me protagonist aktorin e famshëm italian, Marchello Mastrojanni.
