“Ne do donim t’ja dedikonim Ditën Botërore të Muzeve, muzeut të shkatërruar brutalisht dje: Teatrit Kombëtar të Tiranës”. Kështu shkruan Europa Nostra në një postim në Twitter.
Duke përkujtuar Ditën Botërore të Muzeve, Europa Nostra pohoi se trashëgimia kulturore shërben si urë mes të shkuarës, të tashmes dhe të ardhmes.
Të dielën në mëngjes Bashkia e Tiranës e drejtuar nga Erion Veliaj, me bekimin e kryeministrit Edi Rama, shembi Teatrit Kombëtar në orët e para të mëngjesit. Ky veprim u kritikua nga vetë Europa Nostra, institucione europiane si dhe shumë artistë e aktivistë të shoqërisë civile. Pas shembjes, u zhvilluan protesta dje dhe sot.
‘Europa Nostra’ është një federatë europiane për trashëgiminë kulturore e cila përfaqëson organizatat që punojnë në ruajtjen e trashëgimisë kulturore dhe natyrore të Europës.
