Dashamir Shehi u shpreh se rikonstruksioni i Teatrit Operas dhe Baletit kushtoi 12 mln euro dhe ai i turbinës 7 milionë euro.
“Rama sot erdhi vërdallë nëpër Opera. Një pjesë e qytetarëve nuk e dinë se ka kushtuar 12 milionë euro, dy herë më shumë se vlera reale. 12 milionë euro kostoja e rikonstruksionit i një godina që ishte. Edhe unë e bëj godinën po të më japin 12 milionë euro. Turbina ka kushtuar 7 milionë euro. Po të bëheshin bashkë këto, do ishte bërë një Teatër i ri”, tha Shehi nShehi emisionin 360 gradë.
Lidhur me Teatrin Kombëtar, Dashamir Shehi u shpreh se Rama ka 20 vite që vjen vërdallë, duke e quajtur si një biznes personal.
“Rama nuk ka bërë asgjë që është jashtë biznesit të tij ekonomik. Ka 20 vjet që i vjen vërdallë kësaj çështje. Në atë kohë nuk flitej për kullat dhe këtë arkitektin e famshëm, por për një kullë mbi Teatrin, ashiqare fare. Ka 20 vjet që i vjen vërdallë, është biznesi personal i tij. Ky e kuptoj që me letra nuk mund ta bënte. I fut një të shembur, do e lërë një shesh ndërtimi deri sa të vendosë atë aferën e tij. Është një skemë banale”.
