Policia ushtruoi një dhunë barbare sot ndaj artistëve, aktivistëve, gazetarëve e qytetarëve të thjeshtë që ishin në mbrojtje të Tatrit Kombëtar dhe shumë prej tyre i shoqëroi në komisariate.
Shumë prej uniformave blu ishin civilë, disa të tjerë tjerë pa numër policie madje kishte dhe shumë prej tyre të maskuar.
Një prej qytetarëve që e pësoi nga dhuna e policisë ishte edhe djali i gazetares dhe shkrimtares të njohur shqiptare, Kozeta Zavalani, Mend Zavalani.
Ka qenë vetë shkrimtarja që e ka publikuar në rrjetin social Facebook këtë fakt ku në dy foto shikohet se si e ka dhunuar policia djalin e saj vetëm sepse doli të protestonte.
Kozeta Zavalani ka shkruar se kaloi orë të tmerrshme dhe në ankth. Ajo ka shkruar edhe se “krimi”, që bëri djali i saj është qëndrimi në mbrojtje të teatrit.
Postimi i plotë
Kam kaluar orë të tmerrshme në ankth. Më në fund, pas 9 orësh, neodiktatura me maska, pasi e dhunuan pa paralajmërim, ne mënyrë të pajustifikueshme e kriminale tim bir, Mend Zavalani, e liruan nga paraburgimi me dëmtime të rënda dhe detyrim paraqitjeje. Krimi: qendrimi në mbrojtje të Teatrit…”
