Situata e futbollit në të gjithë botën duket se është ende e paqartë për shkak të situatës së krijuar nga coronavirusi. Ndër kampionatet kryesore vetëm Bundesliga gjermane ka startuar, ndërsa pritet vendimi për La Ligën, Serie A dhe Premier Leaguen, ndërsa Ligue 1 vendosi ta mbyllë para kohe sezonin.
Ndërkohë nga arena europiane duket se nuk ka asnjë vendim zyrtar për rikthimin e UEFA Champions League. Manchester City dhe Real Madrid kanë propozuar ndeshjen e kthimit të vlefshëm për fazën 1/16 të zhvillohet në 7 gusht.
Përballja e parë në Santiago Bernabeu u mbyll me rezultatin 2-1 në favor të ‘Qytetarëve”, një fitore kjo me pikë ekstra duke qenë se fituan në fushë kundërshtare.
Pavarësisht se rezultati flet për Manchester City-n, asgjë nuk është e sigurt. Kjo periudhë e vështirë e shkaktuar nga coronavirusi ka ndikuar shumë në fizikun dhe psikologjinë e lojtarëve.
UEFA do të marrë një vendim zyrtar për rifillimin e Champions League gjatë një mbledhje më datë 27 maj.
