Premier Liga ruse do të rifillojë më datë 21 qershor. Lajmin e ka konfirmuar Federata Ruse e Futbollit gjatë ditës së sotme.
Kampionati rus i futbollit ashtu si çdo ligë tjetër e madhe evropiane, u shty për shkak të shpërthimit të pandemisë së coronavirusit.
Kështu tetë ndeshjet e fundit të pjesës së mbetur të sezonit do të luhen midis 21 qershorit dhe 22 korrikut. Ndeshjet do të luhen pas dyerve të mbyllura pa praninë e publikut, ndërsa ashtu si në Bundesliga do të lejohen pesë zëvendësime.
Kujtojmë që në kampionatin elitar rus luajnë dy futbollistë shqiptarë, Odise Roshi dhe Bernard Berisha.
#RPL season continues on June 21! pic.twitter.com/yyf6oJZKre
— Russian Premier Liga (@premierliga_en) May 15, 2020
